ဘားအံ

ဘားအံမြို့အနီးကျေးလက်ဒေသများသည် ထုံးကျောက်တောင်များ၊ မြစ်ရေများစီးဆင်းနေ သောထုံးကျောက်ဂူများဖြင့် ဝန်းရံထားပါသည်။ ဆဒ္ဒန်ဂူသည်ဘားအံမြို့၏ အထင်ကရဂူတစ်ခု ဖြစ်ပြီး ရင်သပ်ရှုမောဖွယ် ကျောက်စက်ပန်းဆွဲများ၊ ကျောက်စက်မိုးမျှော်များဖြင့် လှပလျက်ရှိ ပါသည်။ ဆဒ္ဒန်ဂူ၏ ထွက်ပေါက်ဘက်တွင် ဘုရားလောင်းဆဒ္ဒန်ဆင်မင်း ရေကစားရာ ကန်ဟု ဒေသခံများက တင်စားခေါ်ဝေါ်ကြသော ရေကန်ကြီးတည်ရှိပြီး အဆိုပါကန်တွင် လှေစီးခြင်းများ ပြုလုပ်နိုင်ပါသည်။ ဘားအံမြို့အနှံ့အပြားတွင် ခမ်းနားထည်ဝါသော ဘုရားစေတီများစွာ တည်ရှိ သည့်အနက် ရေကန်၏ အလယ်တွင် ထိုးထွက်နေသော ကျောက်ကလပ်ပေါ်တွင် တည်ထားသော ကျောက်ကလပ်ဘုရားသည် အထင်ရှားအကျော်ကြားဆုံးဖြစ်ပါသည်။ ထို့နောက် တောင်ဝိုင်းတောင် သို့တက်ရောက်၍ တောင်ဝိုင်းဘုရားဖူးခြင်း၊ တောင်ပေါ်မှ ဘားအံမြို့၏ အလှတရားများကို ကြည့်ရှုခံစားခြင်းများ ပြုလုပ်နိုင်ပါသေးသည်။ ထို့အပြင် ဘားအံမြို့သည် ဥယျာဉ်များစွာလည်းရှိပြီး အထင်ရှားဆုံးမှာ လုမ္ဗိနီဗုဒ္ဓဥယျာဉ်ဖြစ်ပါသည်။ အဆိုပါဥယျာဉ်၏ အောက်ဘက်လမ်းတွင် ထိုင်တော်မူရုပ်ပွားတော်များ ရာနှင့်ချီတည်ထားပါသည်။