Skip to content

ပုဂံ

စိတ်ဝင်စားဖွယ်အချက်များ

  • ကမ္ဘာအရပ်ရပ်ရှိ ခရီးသွားများက ပုဂံဒေသကို ဘုရားစေတီများ ပေါများရာအရပ်ဟု ခေါ်ဝေါ်လေ့ရှိသည်။ ပုဂံသည် ကမ္ဘာပေါ်တွင် ဗုဒ္ဓဘာသာ ဘုရားဂူပုထိုးများ၊ စေတီ များနှင့် ရှေးဟောင်းအမွေအနှစ်များ အပေါများဆုံးနှင့် အထူထပ်ဆုံး တည်ရှိရာဒေသ ဖြစ်ပါသည်။
  • ပုဂံဒေသသို့ လည်ပတ်ရန်အကောင်းဆုံးအချိန်သည် မိုးအနည်းငယ်သာ ရွာသွန်းသော နိုဝင်ဘာလမှ မေလအထိဖြစ်သည်။
  • ပုဂံဒေသရှိ အစားအသောက်များသည် အကောင်းဆုံးသော အိန္ဒိယ၊ တရုတ်နှင့် ထိုင်း အရသာများကို ပေါင်းစပ်ထားသောကြောင့် အာရှ၏ စစ်မှန်သောအရသာကို ခံစားနိုင် သည်ဟု မှတ်ယူကြသည်။
ကမ္ဘာ့အကြီးဆုံး ရှေးဟောင်းသုတေသနနယ်မြေများအနက်မှ တစ်ခုဖြစ်သော ပုဂံ ဒေသသည် မန္တလေးမြို့မှ (၄)နာရီကြာသွားရပြီး မြန်မာနိုင်ငံအလယ်ပိုင်းတွင် တည်ရှိသည်။ ဘုရားစေတီကြီး၊ ငယ်ပေါင်း (၂,၂၀၀) ကျော်ရှိသော အံ့ဖွယ်သမိုင်းဝင်မြို့တော်သို့ သွားရောက် လည်ပတ်ပါ။ ဧရာဝတီမြစ်ဝှမ်းတစ်လျှောက်ရှိ စိမ်းလမ်းစိုပြေသော သစ်ပင်များ၊ မြူများ အုံ့ဆိုင်းနေသော တောင်တန်းများအလွန်တွင် တည်ရှိနေသော ပုဂံသည် ခရီးသွားဧည့်သည် များကို ၎င်း၏ ထူးခြားဆန်းပြားသည့် အသွင်အပြင်များဖြင့် အမှန်တကယ် နှစ်သက်ကြည်နူး ဖွယ်ကောင်းသော ခရီးစဉ်ဒေသတစ်ခု ဖြစ်စေမည်ဖြစ်ပါသည်။ သစ်ပင်များအကြားတွင် ထင်ထင်ရှားရှား တည်ရှိနေသော ဂူဘုရားများကြောင့် ခရီးသွားဧည့်သည်များသည် ပြီးပြည့် စုံသော ရုပ်ပုံရှုခင်းကို ခံစားနိုင်မည်ဖြစ်သည်။  ပုဂံသည် ၉ ရာစုမှ ၁၃ ရာစုအတွင်းထွန်းကားခဲ့သော ပုဂံမင်းဆက်၏ ပထမဦးဆုံး သော မြို့တော်ဖြစ်ခဲ့သည်။ ပုဂံနိုင်ငံတော်၏အဖွံ့ဖြိုးဆုံးအချိန်ဖြစ်သော ၁၁ရာစုမှ ၁၃ ရာစု အတွင်းတွင် ဗုဒ္ဓဘာသာ ဘုရားဂူပုထိုးများ၊ စေတီများနှင့် ဘုန်းတော်ကြီးကျောင်း ၁၀,၀၀၀ ကျော်ကို တည်ထားခဲ့သည်။ ယနေ့အချိန်တွင် ဘုရားကျောင်းများနှင့် ဘုရားများ (၂,၂၀၀) ကျော် ရှင်သန်ကျန်ရှိနေဆဲဖြစ်ပြီး အစိုးရမှ ဂရုတစိုက် ကြည့်ရှုစောင့်ရှောက်လျက်ရှိသည်။ ပုဂံဘုရားများသည် ပုဂံရှေးဟောင်းဇုန်၏ အစိတ်အပိုင်းတစ်ခုဖြစ်ပြီး စူးစမ်းလေ့လာ ရန်အတွက် ဆွဲဆောင်မှုရှိပြီး စိတ်ဝင်စားဖွယ်ကောင်းသော ပန်းပုလက်ရာများ၊ နံရံဆေးရေး ပန်းချီများ၊ ဗုဒ္ဓရုပ်ပွားတော်များ များစွာရှိပါသည်။ ရှေးဟောင်းဘုရားစေတီ (၂,၂၀၀) ကျော် အနက်မှ အနည်းငယ်ကိုသာ ဧည့်သည်များပုံမှန်လည်ပတ်လေ့ရှိပါသည်။ ပုဂံသည် မြန်မာ နိုင်ငံ၏ ရှေးကျသော ခရီးစဉ်ဒေသဖြစ်ပြီး ခရီးသွားဧည့်သည်များ ၎င်းသာယာလှပသော နေရာသို့ သွားရောက်လည်ပတ်နိုင်စေရန်အတွက် လိုင်စင်ရ ခရီးသွားသယ်ယူပို့ဆောင် ရေးနှင့် ဝန်ဆောင်မှုလုပ်ငန်းများစွာရှိပါသည်။ ပုဂံတွင် ဘုရားဖူးခြင်းအပြင် မြန်မာနိုင်ငံ၏ အသက်သွေးကြောဖြစ်သော ဧရာဝတီ မြစ်ကမ်းတစ်လျှောက်တွင် အပန်းဖြေခရီးထွက်နိုင်သည်။ မန္တလေးမှ ပုဂံသို့ အပျော်စီး သင်္ဘောစီး၍ မြစ်ကမ်းတစ်လျှောက်ရှိ ဝင်းမှည့်နေသောခင်းများနှင့် နွေးထွေးသော မြစ်လေ ပြေကို ခံစားကြည့်ရှုနိုင်ပါသည်။ မြစ်ရိုးတစ်လျှောက်မှ မြင်ကွင်းနှင့်သံစဉ်များကား ဆိုဖွယ်ရာ မရှိပေ။ ခရီးစဉ်တစ်လျှောက်လုံးတွင်လည်း စစ်ကိုင်းတောင်၊ ပခုက္ကူမြို့၊ မြင်ခြံမြို့နှင့် အခြား သော စွဲမက်ဖွယ်ကောင်းသည့် မြင်ကွင်းများကို ခံစားနိုင်မည်ဖြစ်သည်။

သမိုင်းကြောင်း

ပုဂံကို အေဒီ ၂ ရာစုတွင်တည်ထောင်ခဲ့ပြီး အေဒီ ၈၄၉ တွင် ပုဂံမင်းဆက်ကိုဆက်ခံသူ ပျဉ်ပြားမင်းက ဆက်လက်တည်ထောင်ခဲ့သည်ဟု သမိုင်းမှတ်တမ်းများတွင် ဖော်ပြထား သည်။ အေဒီ ၁၀၄၄ မှ ၁၂၈၇ အထိ ပုဂံနိုင်ငံတော်၏မြို့တော်သည် ပုဂံဖြစ်သည်။ ထိုကာလ အတွင်း ဘာသာရေးအဆောက်အအုံပေါင်း ၁၀,၀၀၀ ကျော်ကို အုပ်ချုပ်သူများနှင့်ကြွယ်ဝ ချမ်းသာသူများက တည်ဆောက်ခဲ့ပြီး မြို့တော်သည်လည်း စည်ပင်ဝပြောခဲ့ကာ နယ်နိမိတ် အားဖြင့်လည်း ကျယ်ပြန့်လာခဲ့သည်။ ပုဂံသည် လောကီရေးရာနှင့် ဘာသာရေးလေ့လာမှု များအတွက် အချက်အခြာဖြစ်ခဲ့ပြီး ပုဂံနိုင်ငံတော်သည် ၁၂၈၇ ခုနှစ်တွင် ပျက်သုဉ်းခဲ့သည်။

သွားလာလည်ပတ်နိုင်သော နည်းလမ်းများ

ပုဂံရှိ ခရီးသွားဆွဲဆောင်မှုနေရာများ

ပုဂံသည် ကမ္ဘာပေါ်တွင်အကျော်ကြားဆုံးဖြစ်သော ရှေးဟောင်းနယ်မြေများ အနက်မှ တစ်ခုဖြစ်ပါသည်။ မြန်မာနိုင်ငံတစ်ဝန်းတွင် မတူညီသောခေတ်ကာလများမှ ရှေးဟောင်း အဆောက်အဦများကို အနှံ့အပြားတွေ့နိုင်သည်။ ပုဂံရှေးဟောင်း ဘုရားပုထိုးများသည် ဧရာဝတီမြစ်ကမ်းတစ်လျှောက်မှ တူရွင်းတောင်အထိ ကျယ်ကျယ် ပြန့်ပြန့်တည်ရှိနေသည်။ ပုဂံရှိ ဘုရားစေတီပုထိုးများကို ဖူးမျှော်ရန် အကောင်းဆုံးနည်းလမ်းမှာ ခြေလျင်ဖြင့် သွားရောက်လည်ပတ်ခြင်းဖြစ်သော်လည်း ဘုရားစေတီပုထိုးများ၏ အပေါ်စီးမှမြင်ရသော မြင်ကွင်းကိုခံစားနိုင်ရန်အတွက် မီးပုံးပျံစီး၍ ရှုမျှော်ခင်းများကြည့်ရှုခြင်းသည်လည်း ထူးခြား သော အစီအစဉ်တစ်ခုဖြစ်သည်။ နေထွက်ချိန်နှင့်နေဝင်ချိန်များကို မီးပုံးပျံစီး၍ ကြည့်ရှုခြင်း သည် ပိုမိုကောင်းမွန်၍ ဆွဲဆောင်မှုရှိသောကြောင့် အထူးအကြံပြုလိုပါသည်။ မီးပုံးပျံမစီး လိုသော ခရီးသွားဧည့်သည်များသည်လည်း စိတ်ပူစရာမလိုဘဲ ပုဂံနန်းမြင့် မျှော်စင်မှနေ၍ ပုဂံဘုရားများကို အပေါ်စီးမှ ကြည့်ရှုနိုင်သည်။
ပုဂံတွင် ဘုရားဖူးခြင်းအပြင် ဧရာဝတီမြစ်တစ်လျှောက် အပျော်စီးသင်္ဘောစီး၍ ညနေ နေဝင်ဆည်းဆာအလှကိုလည်း ခံစားနိုင်ပါသည်။ မြန်မာနိုင်ငံ၏ အသက်သွေးကြောဖြစ် သည့် ဧရာဝတီမြစ်ကမ်းတစ်လျှောက်တွင် ရင်သပ်ရှုမောဖွယ်ကောင်းသော ရှုခင်းများကို ကြည့်ရှုနိုင်သောကြောင့် သွားရောက်လည်ပတ်သင့်ပါသည်။ ၎င်းရှုခင်းများကို ကြည့်ရှုရန် မန္တလေးမှ ပုဂံသို့ သင်္ဘောစီး၍ သွားရောက်လည်ပတ်နိုင်ပါသည်။
ဈေးဝယ်ခြင်းကို ကြိုက်နှစ်သက်သော ခရီးသွားဧည့်သည်များအတွက် ပုဂံယွန်းထည် နှင့်လက်မှုပစ္စည်းများရောင်းချသော ဈေးသို့သွားရောက်လည်ပတ်ခြင်းနှင့် လက်ဆောင် ပစ္စည်းများဝယ်ခြင်းကို ပြုလုပ်သင့်ပါသည်။ သို့မဟုတ်ပါက ပုဂံသို့ သွားရောက်လည်ပတ် ခြင်းသည် ပြည့်စုံမည်မဟုတ်ပါ။ အိမ်တွင်းမှုလုပ်ငန်းများသို့သွားရောက်၍ ဆီထုတ်လုပ်ခြင်း နှင့် ထန်းလျက်ထုတ်လုပ်ခြင်း လုပ်ငန်းများကိုလည်း သွားရောက်လေ့လာနိုင်သည်

လုပ်ဆောင်နိုင်သောအရာများ

မြစ်ကမ်းတစ်လျှောက်တွင် နေဝင်ဆည်းဆာကြည့်ခြင်း

ပုဂံဘုရားဖူးခြင်းကို ဧရာဝတီမြစ်တစ်လျှောက်လှေစီး၍ ရင်သပ်ရှုမောဖွယ်ကောင်း သော နေဝင်ဆည်းဆာကြည့်ခြင်းဖြင့် အဆုံးသတ်သင့်သည်။ တစ်နေ့လုံးလည်ပတ်၍ ပင်ပန်း ခဲ့သမျှကို လှေစီး၍ နေဝင်ဆည်းဆာကြည့်ရှုအပန်းဖြေခြင်းက အကောင်းဆုံးနည်းလမ်း ဖြစ်ပါသည်။ ခရီးသွားဧည့်သည်များ၏ စိတ်ထဲ၌ ထိုမြင်ကွင်းသည် တစ်သက်တာ မမေ့နိုင် မည်က သေချာလှပါသည်။

မီးပုံးပျံစီးခြင်း

အံဩဖွယ်ကောင်းသော ပုဂံဘုရားများ၏ အပေါ်စီးမှမြင်ကွင်းကို ဘုရားများအပေါ်မှ ဖြတ်၍ ပျံသန်းသော မီးပုံးပျံကို စီးပြီးခံစားနိုင်ပါသည်။ အဘယ်ကြောင့် ပုဂံကို ဘုရားစေတီ များပေါများရာဒေသဟု တင်စားခေါ်ဝေါ်သည်ကို မီးပုံးပျံစီးခြင်းမှတစ်ဆင့်သိရှိနိုင်ပါသည်။ နေဝင်ချိန်နှင့် နေထွက်ချိန်များကို မီးပုံးပျံစီး၍ ကြည့်ခြင်းအားဖြင့် သာမန်လည်ပတ်ခြင်း ထက် ပိုမိုစိတ်လှုပ်ရှားစေမည်ဖြစ်သည်။

E-Bike ဖြင့် လည်ပတ်ခြင်း

ပျော်စရာကောင်းသောနည်းလမ်းဖြစ်သည့် e-Bike ဖြင့်ပုဂံရှိဘုရားများကို သွားရောက် လည်ပတ်နိုင်ပါသည်။ ခမ်းနားထည်ဝါသောဘုရားများနှင့် ရှေးဟောင်းအမွေအနှစ်များကို ဧည့်လမ်းညွှန်များ၏ အကူအညီဖြင့် သွားရောက်လေ့လာနိုင်ပါသည်။ e-Bike ဖြင့်သွားရောက် လည်ပတ်ပါက လူသိများသောဘုရားစေတီများမှ လူသိနည်းသောဘုရားများအထိ နှံ့နှံ့စပ်စပ် လည်ပတ်နိုင်သောကြောင့် ရှေးဟောင်းနယ်မြေ၏ အံ့ဩဖွယ်ရာများကို ခံစားနိုင်ပါသည်။

အာနန္ဒာဘုရား

ထင်ရှားကျော်ကြားသော အာနန္ဒာဘုရားကို အေဒီ ၁၁၀၅ ခုနှစ်တွင် တည်ထား ကိုးကွယ်ခဲ့ပါသည်။ အောက်ခြေတွင်လေးထောင့်ပုံသဏ္ဍာန်ဖြစ်ပြီး အုတ်နံရံအထစ်များ၊ ထီးတော်ပါရှိသော စေတီရံများကဝန်းရံထားသည်။ အနန္ဒာဘုရားသို့ သွားရောက်၍ မလည် ပတ်ပါက ပုဂံဘုရားဖူးခရီးစဉ်သည် ပြည့်စုံနိုင်မည်မဟုတ်ပါ။

Video

Bagan Itineraries

DAY 1 – ARRIVE IN BAGAN

DAY 2 – TEMPLE TOUR OF BAGAN

DAY 3 – VISIT MOUNT POPA & MORE TEMPLES

Read More …

DAY 1 – ARRIVE IN MYITKYINA

DAY 2 – TRAVEL TO INDAWGYI LAKE WILDLIFE SANCTUARY

DAY 3 – TRAVEL TO BAGAN

DAY 4: VISIT KANPETLET

DAY 5: TRIP TO NAT MA TAUNG NATIONAL PARK

Read More …

DAY 1: ARRIVE IN PYAY

DAY 2: VISIT SRI KSETRA ANCIENT CITY

DAY 3: GO TO TAUNGDWINGYI

DAY 4: EXPLORE BEIKTHANO ANCIENT CITY

DAY 5: EXPLORE BAGAN

DAY 6: TRAVEL TO SHWEBO TOWN

DAY 7: VISIT HALIN ANCIENT CITY

DAY 8: EXPLORE MANDALAY

Read More …

DAY 1 – ARRIVE IN MANDALAY
DAY 2 – TRAVEL FROM MANDALAY TO BAGAN
DAY 3 – TEMPLE RUN IN BAGAN
Read More …

Blogs

bagan Monk

Exploring the Lesser-Known Temples of Bagan

by Uma Mageshwary Gunasakaran Learning that the Bagan Archaeological Zone accommodates over 2,000 temples and pagodas, we knew that just one day wouldn’t be enough to explore this commendable ancient…
Bagan Mount Popa

12 Facts About Bagan

By Tee May Bagan’s abundance of architecture of ancient temples and historical structures has earned it the title of ‘Sea of Temples.’ Situated by the Ayeyarwady River, this once-great capital…
Woman riding a bike looking baloons over the temples at sunrise in Bagan, Myanmar, Balloon over Bagan and ebike riding woman

Love is in the Air

Love is in the Air By May Tan If you’re looking to celebrate your upcoming honeymoon, Myanmar has a few destinations for the occasion. Spice up your relationship with these…

Popular in Bagan

[instagram-feed]
ဆက်သွယ်ရန်

ရုံးအမှတ် (၃၃), ဟိုတယ်နှင့် ခရီးသွားလာရေး ဝန်ကြီးဌာန, နေပြည်တော်မြို့, မြန်မာနိုင်ငံ

+၉၅ ၆၇ ၃၄၀ ၆၄၅၈,

+၉၅ ၆၇ ၃၄၀ ၆၂၄၇, +၉၅ ၆၇ ၃၄၀ ၆၁၂၉

© COPYRIGHT 2020. ALL RIGHTS RESERVED