အင်းလေးကန်

အင်လေးကန်သည် သဘာဝအလှတရာများဖြင့် ပေါကြွယ်ဝလျက်ရှိပါသည်။ ထူးခြား ဆန်းပြားသော တိရစ္ဆာန်မျိုးစိတ်များ၊ ရှားပါးသော ရွှေ့ပြောင်းငှက်မျိုးစိတ်များနှင့် စိမ်းလမ်း စိမ်းစိုပြည်သော သစ်ပင်ပန်းမန်များသည် ကန်၏ရှုခင်းများကို လှပစွာတန်ဆာဆင်လျက် ရှိပြီး သွားရောက်လည်ပတ်ရန် အကောင်းမွန်ဆုံးနေရာတစ်ခု ဖြစ်လာစေပါသည်။ အင်းလေး ကန်တောရိုင်းတိရစ္ဆာန်ဘေးမဲ့တောတွင် တောရိုင်းတိရစ္ဆာန်များကို လေ့လာနိုင်ပြီး ထိန်းသိမ်း ထားသော မျိုးစိတ်များကိုကြည့်ရှုခြင်း၊ ခြေတစ်ဖက်တည်းဖြင့် လှေလှော်ကြည့်ခြင်းနှင့် အခြားသော ကိုယ်တိုင်ပါဝင်ဆောင်ရွက်မှုများ လုပ်ဆောင်ခြင်းဖြင့် အမှတ်တရခရီးစဉ်များကို ဖန်တီးနိုင်မည်ဖြစ်ပါသည်။

          အင်းလေးကန်၏ ထူးခြားသော ခြေတံရှည်ရေပေါ်အိမ်များသို့ သွားရောက်လည်ပတ် လျင်လည်း ရင်းနှီးဖော်ရွေသော အင်းသူ၊ အင်းသားများနှင့် တွေ့ဆုံနိုင်မည်ဖြစ်ပါသည်။ ဒေသခံများသည် နွေးထွေးပျူငှာပြီး မျိုးဆက်အဆင့်ဆင့် လက်ဆင့်ကမ်းလာခဲ့သည့် ငွေထည်နှင့် သတ္တုထည်လက်မှုပညာများလေ့လာရာတွင် ဝမ်းမြောက်စွာ လမ်းညွှန်ပြသပေး နိုင်ကြပါသည်။ အင်းလေးရှိ ရက်သတ္တပတ်ဈေးများတွင် အကောင်းဆုံးဒေသထွက်ကုန် ပစ္စည်းများကို လှည့်လည်ကြည့်ရှုပြီး ဝယ်ယူနိုင်ပါသည်။