English
China
Korea
Russia
Spain
Germany
Italy
Thailand
Vietnam
Japan
မြန်မာနိုင်ငံသည်နွေးထွေးပျူငှာမှုများဖြင့် ခရီးသွားများအားအစဉ်အမြဲ ကြိုဆိုလျက်ရှိပါသည်။ ခရီးသွားတစ်ယောက်အနေဖြင့် မြန်မာနိုင်ငံသို့ လာရောက်လည်ပတ်ခြင်းဖြင့် ဘဝတွင် ကြီးကျယ် ကောင်းမွန်သော အချိန်ကာလများကိုတွေ့ကြုံနိုင်မည်ဖြစ်ပေရာ ခရီးသွားလာမှုပိုမိုလွယ်ကူစေရေး အတွက် အောက်ဖော်ပြပါအချက်များကိုအကြံ ပြုဖော်ပြလိုပါသည်။
မြန်မာနိုင်ငံတွင်လည်ပတ်သွားလာရန်အကြံပြုချက်များ
ဗီဇာ
မြန်မာနိုင်ငံသို့သွားလာလည်ပတ်ရန် ကမ္ဘာလှည့်ဗီဇာဖြင့်သွားရောက်နိုင်ပြီး လုပ်ငန်းများ လုပ်ကိုင်ဆောင်ရွက်ရန် လုပ်ငန်းဗီဇာဖြင့်သွားရောက်နိုင်ပါသည်။ အီလက်ထရောနစ်ဗီဇာဖြင့် ဝင်ရောက် ရန် နိုင်ငံအများအပြားသို့ ခွင့်ပြုပေးထားပြီးအချို့သောနိုင်ငံများအတွက် ဆိုက်ရောက်ဗီဇာကိုခွင့်ပြုပေး ထားပါသည် ။ အချို့သောနိုင်ငံများ အတွက်လည်း ဗီဇာကင်းလွတ်ခွင့်ပြုပြီးဖြစ်ပါသည် ။
ဟိုတယ်များ
ခရီးသွားတစ်ယောက်အနေဖြင့် သုံးစွဲရန်ချိန်ဆထားသော အသုံးစရိတ်အတွင်းတည်းခိုနေထိုင်ရန် ရွေးချယ်စရာ ဟိုတယ်အများအပြားရှိသဖြင့် နှစ်သက်ရာဟိုတယ်ကိုရွေးချယ်တည်းခိုနိုင်ပါသည်။ မြန်မာ လူမျိုးများသည် ဧည့်သည်အား အကောင်းဆုံးဝန်ဆောင်မှုပေးနိုင်သည့် အိမ်ရှင်များဖြစ်ကြောင်းခရီး သွားများအနေဖြင့်သိရှိခံစားနိုင်မည်ဖြစ်ပါသည် ။
လှည့်လည်သွားလာခြင်း
မြန်မာနိုင်ငံတွင်လေကြောင်းလိုင်းများ၊ သင်္ဘောများ၊ မီးရထားများ၊ ဘတ်စ်ကားများဖြင့်ခရီး သွားလာနိုင်ပါသည်။ နေရာတိုင်းလိုလိုတွင် အများပြည်သူသုံးယာဉ် များကိုရွေးချယ်စီးနင်းသွားလာနိုင် ပါသည် ။ သို့ရာတွင် အချို့သောနေရာများသို့ ကားလမ်းဖြင့်သွားလာရန် ကန့်သတ်ချက်များရှိသဖြင့် ၎င်းတို့ကိုသတိပြုသွားလာရမည်ဖြစ်ပါသည်။
ခရီးသွားလာရန်ရှင်သန်ပါ
သုံးစွဲရန်ငွေကြေး
မြန်မာနိုင်ငံ၌သုံးစွဲသောငွေကြေးယူနစ်မှာ ကျပ်ဖြစ်ပြီး အမေရိကန်ဒေါ်လာဖြင့်သုံးစွဲပါကလည်း တွင်ကျယ်စွာကောက်ခံပါသည်။ မြန်မာနိုင်ငံအနှံ့အပြားတွင် မြီရှင်ကဒ်ဖြင့်လည်းငွေပေးချေမှုပြုလုပ် နိုင်ပါသည်။ မိမိနိုင်ငံ၌သုံးစွဲ နေသောငွေကြေးများဖြင့်နိုင်ငံအနှံ့ လည်ပတ်နိင်ပြီးနိုင်ငံခြားငွေလဲလှယ် ရေး ကောင်တာများတွင် ၎င်းငွေကြေးများကို မြန်မာကျပ်(သို့မဟုတ်) အမေရိကန်ဒေါ်လာအဖြစ် လဲလှယ်ရရှိနိုင်ပါသည်။ မမျှော်လင့်ဘဲ ဖြစ်ပေါ်လာနိင်သည့် အဆင်မပြေမှုများကို ကြိုတင်ရှောင်ရှား နိုင်ရန်ငွေလဲလှယ်ကောင်တာ၌ မြီရှင်ကဒ်များ ကို သေချာစွာ ပြန်လည်စိစစ်ရန် အကြံပြုလိုပါသည် ။
ဝတ်စားဆင်ယင်မှု
ဝတ်စားဆင်ယင်မှုအတွက် တင်းကြပ်သောစည်းမျဉ်းများ မရှိသော်လည်း သက်တောင့်သက် သာဖြင့် ကျိုးကြောင်းဆီလျော်စွာဝတ်ဆင်ရန်အကြံပြုလိုပါသည်။ ဘုရားစေတီများသို့သွားရောက်ပါက ဝတ်ဆင်ရမည့် အဝတ်အစားများကိုကြိုတင်၍စိစစ်သင့်ပါသည်။ ဒူးခေါင်းထိဖုံးသောဘောင်းဘီများနှင့် စကတ်ရှည်များ၊ သက်တောင့်သက်သာ ရှိသောခြေညှပ်ဖိနပ်များ ကိုဝတ်ဆင်၍သွားရောက်နိုင်ပါသည် ။ ခပ်ပွပွချည်သား အင်္ကျီများကိုဆင်မြန်းခြင်းသည် ပူအိုက် စွတ်စိုမှုများကိုကာကွယ်နိုင်မည်ဖြစ်ပါသည်။
အစားအစာ
ခရီးသွားတစ်ယောက်သည် အစားအသောက်ခုံမင်နှစ်ခြိုက်သူဖြစ်ပါက မြန်မာနိုင်ငံသို့ရောက်ရှိ ချိန်၌ မြန်မာအစားအစာအများအပြားကို နှစ်ခြိုက်စွာသုံးဆောင်နိုင်မည်ဖြစ်ပါသည်။ အကယ်၍ အစား အသောက် ဓါတ်မတည့်သူဖြစ်ပါက စားသောက်ဆိုင်ဝန်ထမ်းအား ကြိုတင်အသိပေးရပါမည်။ မြန်မာ အစားအစာများတွင် အစပ်ကဲသောအရသာရှိသဖြင့် သတိထားရန်လိုအပ်ပါသည်။ မြန်မာနိင်ငံတွင် လတ်ဆတ်သောငါးမျိုးစုံကိုရရှိနိုင်ပြီးမြည်းစမ်းခံစားနိုင်ပါသည် ။
ဘာသာစကား
အင်္ဂလိပ် ဘာသာစကားကို တွင်ကျယ်စွာ ပြောဆိုကြပြီး အထူးသဖြင့်ပြည်သူများအနေဖြင့် ခရီး သွားလုပ်ငန်းနှင့် မစိမ်း သူများဖြစ်ကြသည် ။ ဘာသာစကားနှင့်စပ်လျဉ်း၍ခက်ခဲမှုမရှိနိုင်ပါ ။ အကယ်၍ အင်္ဂလိပ်ဘာသာ စကားကို ပြောဆိုနိုင်ခြင်းမရှိပါက ကိုယ်ဟန်အမူအယာ၊ သင်္ကေတဖြင့် ပြောဆို ဆက်သွယ် နိုင်ပါသည်။ မြန်မာလူမျိုးများသည် တစ်ဦးနှင့်တစ်ဦးတွေ့ဆုံလျှင် “မင်္ဂလာပါ”ဟု နှုတ်ခွန်း ဆက်လေ့ ရှိပြီး“မင်္ဂလာပါ” ဟုပြန်လည် ပြောဆိုနှုတ်ဆက်နိုင်ပါသည်။ ထိုသို့ ပြန်လည်နှုတ်ဆက်ပါက မြန်မာလူမျိုးများ ပျော်ရွှင်ကျေနပ်ကြမည်ဖြစ်ပါသည်။
မြန်မာပြည်သူများ
မြန်မာပြည်သူများသည် နွေးထွေးမှုအပြည့်ဖြင့် ချစ်ခင်နှစ်လိုဖွယ်ကောင်းပေရာ ၎င်းတို့၏ ရိုးရှင်း မှု၊ အပြစ်ကင်းမှုများကို တွေ့မြင်ပြီးနှစ်ခြိုက်ပျော်ရွှင်ရပါလိမ့်မည်။ ကမ္ဘာလှည့်ခရီးသွားများအား မြန်မာ ပြည်သူများနှင့် ၎င်းတို့၏ ရှင်သန်ရပ်တည်နေထိုင်ပုံဘဝအလှများမှ နွေးထွေးပျူငှာစွာကြိုဆိုကြပါလိမ့် မည်။ ခရီးသွားများမှ ၎င်းတို့အား စကားပြောဆိုခြင်းမပြုမီ ၎င်းတို့မှ ကိုယ်ဟန်အမူအယာ၊ သင်္ကေတ များဖြင့် ဆက်သွယ်ပြောဆိုပါလိမ့်မည်။ မြန်မာလူမျိုးများအား ဓါတ်ပုံရိုက်ယူလိုပါက၎င်းတို့မှ ပျော်ရွှင် စွာဖြင့် ဓါတ်ပုံရိုက်ခံယူကြပါလိမ့်မည်။
ဘေးကင်းလုံခြုံမှု
မြန်မာနိုင်ငံအနှံ့ခရီးသွားလာရာ၌ ဘေးကင်းလုံခြုံမှုရှိပြီး၊ အကြမ်းဖက်မှုနှင့် ရာဇဝတ်မှုများ နည်းပါးပါသည်။ ဒေသခံများမှ နိုင်ငံခြားသားခရီးသွားများအား ပျူငှာစွာကြိုဆိုလေ့ရှိကြပါသည်။ သို့ရာတွင် အထူးသဖြင့် ညအချိန်၌မိမိတစ်ဦးတည်း လှည့်လည်သွားလာခြင်းမပြုမီ မိမိတည်းခိုသော ဟိုတယ် ရှိဝန်ထမ်းများ(သို့မဟုတ်)ခရီးသွားဧည့်လမ်းညွှန်များနှင့် တိုင်ပင်ဆွေးနွေးသင့်ပါသည်။
လှည့်လည်ကြည့်ရှုခြင်း
မြန်မာနိုင်ငံသို့ ရောက်ရှိနေစဉ် ကမ္ဘာလှည့်ခရီးသွးတစ်ဦးအနေဖြင့် ၎င်း၏အချိန်အများစုကို ရောက်ရှိရာဒေသတစ်ဝိုက် လှည့်လည်သွားလာကြည့်ရှုခြင်းဖြင့် ကုန်ဆုံးစေမည်ဖြစ်ပါသည်။ နေထွက် ချိန် ရှုခင်းအလှအပများကိုခံစားရန် အိပ်ယာမှ စောစီးစွာထ၍ ကြည့်ရှုခံစားရန် အကြံပြုလိုပါသည်။ အိပ်ယာမှ စောစီးစွာနိုးထခြင်းသည် နေ့အချိန်ပူပြင်းမှုနှင့် မီးပွိုင့်တွင် ကားရပ်နာမှုကို ရှောင်ရှားရန် အထောက်အကူပြုပါလိမ့်မည်။ နေ့အချိန်တွင် ပြင်ပသို့ထွက်၍ ဆောင်ရွက်ဖွယ်ကိစ္စများ လုပ်ဆောင် ပါက ထီးနှင့်ဦးထုပ်ကို ယူဆောင်သွားရပါမည်။ မြန်မာနိုင်ငံ၏ ထင်ရှားလှသော မြစ်တစ်စင်းဖြစ်သည့် ဧရာဝတီမြစ်တွင် နေမင်းကွယ်ပျောက်သည့် ရှုခင်းကို ခံစားရန် လက်လွှတ်မခံသင့်ပေ။
ရိုးရာယဉ်ကျေးမှု
မြန်မာနိုင်ငံ၏ရိုးရာယဉ်ကျေးမှုများစွာအနက် မြန်မာအမျိုးသမီးများ၏မျက်နှာတွင် သနပ်ခါး လိမ်းချယ်ခြင်းကို တွေ့မြင်နိုင်ပေမည် ။ သနပ်ခါးသည်သဘာဝထွက်ကုန်တစ်ခုဖြစ်ပြီး အသားရေကို အထူးကောင်းမွန်စေပါသည်။ တစ်ကြိမ်တစ်ခါစမ်း၍ လိမ်းကြည့်စေချင်ပါသည် ။ အမျိုးသားများတွင် ကွမ်းယာစားခြင်းအလေ့အထကိုတွေ့မြင်နိုင်ပြီး ဒေသအနှံ့အပြားရှိ ကွမ်းယာဆိုင်ငယ်များ၌ ကွမ်းသီး နှင့်ကွမ်းယာကိုဝယ်ယူမြည်းစမ်းကြည့်စေလိုပါသည်။ ကွမ်းသီးနှင့်ယာထား သောကွမ်းယာကို ဝယ်ယူ မြည်းစမ်းရန်အကြံပြုလိုပါသည်။
Previous
Next